Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда автобуска соңга калып, буранда адашкан ир-атны коткарганнар
Көчле буран аркасында ул юнәлешен югалткан һәм үзенең кайда икәнлеген аңламаган.
(Казан, 26 март, «Татар-информ»). Татарстанда автобуска соңга калган һәм буранда адашкан 77 яшьлек ир-атны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
«Кичә 21.55 сәгатьтә 112 бердәм номерына Питрәч районының «Мишә-2» бакчачылык җәмгыяте янында 77 яшьлек ир-атның буранда адашуы хакында хәбәр килгән», - дип искәрттеләр ведомствоның матбугат хезмәтендә.
Чакыру буенча килгән 2нче зона янгын-коткару отряды хезмәткәрләре ачыклаганча, пенсионер автобуска соңга калган, көчле буран аркасында ориентациясен югалткан һәм үзенең кайда икәнлеген аңламаган.
Өлкән яшьтәге ир-атны яшәү урыны буенча Казанга илтеп куйганнар. Аңа медицина ярдәме кирәк булмаган.
Кызыклы яңалыкларны күзәтеп бару өчен Телеграм-каналга язылыгыз