Татарстанда августның соңгы көнендә томан һәм +25 градуска кадәр җылы була
Скопировать ссылку
Татарстанда август ае коры һәм җылы һава торышы белән тәмамланачак, дип хәбәр итә ТР Гидрометеорология үзәге.
Бераз болытлы булырга мөмкин. Төнлә һәм көндез төбәктә урыны белән томан төшә. Җил төньяк-көнчыгыштан һәм төньяктан исәчәк, дип фаразлана. Көндез аның тизлеге секундына 13 метрга җитә.
Термометр баганалары төнлә +7..+12 градус күрсәтә, ә көндез исә һава +20..+25 градуска кадәр җылына.
Искәртик, республикада шимбәдән шторм кисәтүе гамәлгә керә. Яңгырсыз һәм җылы һава торышы озак дәвам итү сәбәпле урман янгыннары чыгу куркынычы шактый артты.