Татарстанда авариядә бер кеше үлгән, ике кеше имгәнгән
Скопировать ссылку
Кичә көндез Мамадыш районында М7 трассасында җиңел автомобиль белән йөк машинасы бәрелешкән.
«Татар-информ»га шаһитлар хәбәр иткәнчә, биредә Hyundai автомобиле «ГАЗель» белән бәрелешә. Шуннан соң «ГАЗель» ян кырыена ава. Җиңел машина трассадан юл кырыена төшеп китә.
Җиңел машинаны йөртүче урында ук үлә. Hyundai пассажирын һәм «ГАЗель» йөртүчесен хастаханәгә илткәннәр.
