Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда һаваның кискен салкынаюы көтелә
Алдагы төндә термометр баганалары аязган вакытта 28 градуска кадәр төшәчәк
(Казан, 5 декабрь, «Татар-информ»). Татарстан синоптиклары фаразына караганда, иртәгә төнлә һәм иртән республика буенча урыны белән һава температурасының кискен төшүе көтелә. Аязучан болытлы һава, урыны белән бераз кар явачак. Юлларда бозлавык булырга мөмкин.
Алдагы төндә термометр баганалары - 22, аязган вакытта 28 градуска кадәр төшәчәк. Көндез һава температурсы - 10-15, республиканың көнчыгышында 20 градуска кадәр салкын булачак. Төбәкнең көньяк-көнбатыш районнарында иң җылы һава торышы көтелә.
Казанда аязучан болытлы һава, бераз кар явуы ихтималы бар. Төнлә - 18-20, аязган вакытта - 27, көндез 12-15 градус салкын булачак.
7 декабрьгә каршы төндә Татарстанда аязучан болытлы һава, урыны белән бераз кар. Температура - 11-16, аязган вакытта һәм көнчыгыш районнарда - 21гә кадәр, иртән - 5-10, көнчыгышта 14 градуска кадәр салкын көтелә. Юлларда - бозлавык.
Кызыклы яңалыкларны күзәтеп бару өчен Телеграм-каналга язылыгыз