Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда һава торышы: температура 3 градуска кадәр төшә
Җәйнең соңгы көнендә республика төньяк циклонның җылы секторы йогынтысында булачак
(Казан, 29 август, «Татар-информ», Максим Кирилов, Гөлүзә Василова). Республика көне алдыннан Татарстанда һава торышы кинәт үзгәрә. Бу республика территориясе аша салкын атмосфера фронты узуга бәйле, дип хәбәр итте Татарстан Гидрометеорология һәм әйләнә-тирә мохитне күзәтү идарәсенең метеорологик фаразлар бүлеге башлыгы Ирина Трущина.
"Кичә республикада температура 26-28 градус җылы булды. Төнлә Татарстан аша салкын атмосфера фронты узды, шул сәбәпле, бүген иң югары температура 14-19 градус җылы тәшкил итә. Киләсе төн бик салкын булачак", - дип сөйләде Трущина.
Аның сүзләренчә, Гидрометеоүзәктә бу төндә Татарстан башкаласында температура 5-7 градус җылы булыр дип көтәләр, ә республика буенча - 3-8.
Иртәгә, 30 августта, көндез температура акрынлап күтәреләчәк һәм республика буенча 18-23 градус тәшкил итәчәк, ә көндез Казанда - 21-23.
«31 августта республика төньяк циклонның җылы секторы йогынтысында булачак һәм көндез 22-27 градуска кадәр җылытачак. Иртән һәм көндез урыны белән бераз яңгыр, яшен булуы ихтимал. Ә 1 сентябрьдә салкын фронт үтеп керү сәбәпле, яңгыр явачак һәм температураның 13-18 градус кына җылы булуы көтелә", - дип билгеләп үтте Татарстан Гидрометеорология һәм әйләнә-тирә мохитне күзәтү идарәсенең метеорологик фаразлар бүлеге башлыгы.
Кызыклы яңалыкларны күзәтеп бару өчен Телеграм-каналга язылыгыз