Татарстанда һава температурасы +5 градуска кадәр күтәреләчәк
Республика юлларында бозлавык булачак.
Скопировать ссылку
(Казан, 2 март, «Татар-информ»). Иртәгә, 3 мартта, Татарстанда җылы һәм коры һава шартлары булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Республика территориясендә явым-төшем көтелми диярлек. Юлларда янә бозлавык булачак. Төнлә көньяк-көнбатыштан көчле җил, көндез бераз тыначак, дип кисәтә синоптиклар.
Төнлә һава температурасы 0...-5 градус булачак. Көндез - 0...+5 градус .
«Татар-информ» агентлыгы хәбәр иткәнчә, КФУ профессоры Юрий Переведенцев фаразлары буенча төбәктә мартның беренче декадасы аномаль җылы булачак.