Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда бер атна эчендә кыяр бәясе 20 процентка төшкән
27 май – 3 июнь атнасында Татарстанда кайбер азык-төлек товарларына бәяләр төшкән. Татарстанстат шундый мәгълүматлар игълан итте.
Аеруча кыяр арзанайган. Күрсәтелгән вакыт эчендә аның бәясе 19 процентка – килограммы өчен 105 сумнан 85 сумга кадәр кимегән. Моннан тыш, яңа помидорларга бәя 12 процентка – бер килограммы өчен 162 сумнан 143 сумга кадәр төшкән.
Бу вакыт эчендә тавык йомыркасы һәм кишер 3 процентка арзанайган. Йомырканың дистәсе 66 сум, кишернең килосы 65 сум торган. Бер килограмм тавык ите 1 процентка төшеп, 163 сумга сатылган, ә алкогольле продукциясенең хакы уртача 1 сумга кимеп, 602 сумга кадәр арзанайган.
Иң кыйммәтләнгәне – бәрәңге. Аның бер килограммының хакы 4,3 процентка артып, 67 сумга җиткән. Шулай ук алмага бәя арту күзәтелә (1,8 процент), дөге һәм бананның килограммы өчен бәя 1,9 процентка күтәрелгән. Дөгенең килограммы – 93 сум, бананныкы – 114 сум дип теркәлгән Татарстанстат мәгълүматларында.
Кызыклы яңалыкларны күзәтеп бару өчен Телеграм-каналга язылыгыз