Татарстанда атна ахырына кадәр җылы һәм коры һава торышы сакланачак
Соңгы көннәрдә республика Урта Урал өстендәге циклонның тыл өлешендә булды. Төньяк һәм төньяк-көнчыгыштан искән җил салкынлык китерде, әмма төбәк территориясендә зур явым-төшем теркәлмәгән. Охшаш һава торышы төбәктә атна азагына кадәр саклана. Бу хакта Татарстан Гидрометеорология үзәгенең матбугат хезмәте хәбәр итә.
Көнчыгыш районнарда урыны белән көчле яңгыр яуды, 1 мм дан азрак. 28 июльдә көндез һава температурасы +21...+26 градуска кадәр җылынды, явым-төшем күзәтелмәде.
Сишәмбе, 29 июльдә, төбәктә синоптик вазгыять элеккечә кала: Татарстан циклонның тыл өлеше йогынтысында була. Температура фоны бераз күтәрелер, ә яңгыр көтелми. Төнлә һава температурасы +12...+17 градус, көндез +24..+ 29 градус көтелә.
Чәршәмбе һәм пәнҗешәмбе, 30 һәм 31 июльдә, республика шулай ук көнчыгыш циклон тылында була. 31 июльдә төбәкнең көнчыгышында кыска вакытлы яңгырлардан тыш, явым-төшем көтелми. Төнлә һава температурасы +11..+17 градус, 30 июльдә көндез һава температурасы +24..+ 29 градуска кадәр җылыначак, ә 31 июльдә болытлы булу сәбәпле, һава температурасы +21..+ 26 градус кына булачак.
Якынча мәгълүматларга караганда, атна ахырына республикада һава шартлары үзгәрә. Кайбер районнарда кыска вакытлы яңгыр явачак, яшенле яңгыр булуы ихтимал. Температура фоны югары булып кала - һава температурасы +26...+32 градуска кадәр күтәреләчәк.