Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда атна ахырында бераз җылытачак
Якын көннәрдә республика территориясендә салкын һәм коры һава торышы сакланачак.
![Татарстанда атна ахырында бераз җылытачак](https://tatar-inform.tatar/resize/shd/images/uploads/news/2020/11/17/780d2939f3ffb872b2f384e127b74158e587f1de7efd87b67e5ea0ed0169.jpg)
(Казан, 17 ноябрь, «Татар-информ»). Татарстанда бу атна ахырында гына көннәр бераз җылыначак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Антициклон йогынтысында сишәмбе, 17 ноябрьдә һәм чәршәмбе, 18 ноябрьдә республика территориясендә салкын һәм коры һава торышы сакланачак. Һава температурасы төнлә -10, -17, аязган вакытта -18, -23, көндез -5, -10 градус тәшкил итәчәк. Явым-төшем ихтималы аз, дип искәртә метеорологлар.
Пәнҗешәмбе, 19 ноябрьдә, көньяк-көнбатыштан искән җилнең тизлеге көчәеп, секундына 15-16 метрга кадәр җитәчәк. Һава температурасы бераз күтәрелә: төнлә -7, -12, аязган вакытта -14, -19, көндез исә -2, -7 градус тәшкил итәчәк.
Синоптиклар фаразлавынча, атна ахырында республика күгендәге болыт капламы тыгызланачак, ә температура фоны акрынлап күтәреләчәк. Төнлә һава температурасы -4, -9, көнчыгышта урыны белән һәм аязган вакытта -10, -15, көндез -1, -6 градус тәшкил итәр дип көтелә.
Кызыклы яңалыкларны күзәтеп бару өчен Телеграм-каналга язылыгыз