Татарстанда Аракчино - Югары Ослан боз кичүе эшли башлады
Скопировать ссылку
Татарстанда бүген Аракчино - Югары Ослан боз кичүе ачылды. Ул тәүлек буе һәм ял көннәрсез эшләячәк. Бу хакта «Казан - Югары Ослан кичүе» берләшмәсендә «ВКонтакте» социаль челтәрендәге сәхифәсендә хәбәр иттеләр.
Җиңел автомобиль боз кичүе аша чыккан өчен 300 сум, ә тагылма арба белән 350 сум түләргә кирәк. «Авырлык буенча чикләүләр - 3,5 тонна», диелә хәбәрдә.
Бүген үк кабул итү комиссиясе Югары Ослан - Аракчино боз кичүе участогында юл хәрәкәте иминлеге турындагы нәтиҗәне бирде.