Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда аномаль эссе һава торышы саклана
Киләсе атна башында түбән атмосфера басымы йогынтысында тотрыксыз һава торышы булачак.
(Казан, 19 август, «Татар-информ»). Татарстанда коры, аномаль эссе һава торышы саклана.
Республиканың Гидрометеорология үзәге хәбәр иткәнчә, иртәгә, 20 августта һәм шимбә көнне, 21 августта явым-төшемнәр көтелми. Төнлә һава температурасы 13-18°, көнбатыш районнарда 23°, көндез 33-39° градус эссе булачак.
Якшәмбе көнне, 22 августта республика көнбатыш циклоны йогынтысында булачак. Төнлә явым-төшемнәр көтелми. Көндез һәм кич кыска вакытлы яңгырлар яварга, яшен булырга мөмкин. Яшен вакытында җилнең тизлеге 15-20 метрга кадәр җитәчәк.
Төнлә 13-18°, көнбатыш районнарда 23°, көндез 33-38° градус эссе булачак.
Гидрометеорология үзәгенең якынча фаразларына караганда, киләсе атна башында түбән атмосфера басымы йогынтысында тотрыксыз һава торышы булачак, урыны белән кыска вакытлы яңгыр яварга мөмкин. Кайбер районнарда яшен һәм көчле җил булуы ихтимал. Температура төшәчәк. Төнлә 15-20°, көндез 25-30° градус җылы булачак.
Кызыклы яңалыкларны күзәтеп бару өчен Телеграм-каналга язылыгыз