Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда аналарга өстәмә ял бирергә тәкъдим иттеләр
ТР Министрлар Кабинеты 27 ел элек гамәлгә куелган документка үзгәрешләр кертте.
(Казан, 1 июль, “Татар-информ”). Татарстанда аналарга өстәмә ял бирергә тәкъдим иттеләр. Татарстан Министрлар Кабинеты 1991 елда ТАССР Министрлар Советы карарына үзгәрешләр кертте. Бу хакта Татарстан Республикасында Бала хокуклары буенча вәкаләтле вәкил порталында хәбәр ителә.
Әлеге документта аналарга һәм балаларга өстәмә ярдәм итү турында әйтелә. Яңа үзгәрешләр буенча, эшләүче аналарга ай саен өстәмә ял көне бирелергә мөмкин.
Документта бишенче пункт үзгәртелүе турында билгеләп үтелә. Яңа үзгәрешләр 16 яшькәчә балалары булган хезмәткәрләргә игътибар бирергә тәкъдим итә.
“Эш белән тәэмин итүчеләргә 16 яшькәчә баласы булган аналарга атна саен 2 сәгать ял яки айга 1 ял көне бирергә, бу көнне эш бирүче хисабына өлешчә яки тулысынча түләргә тәкъдим ителә”, - диелгән карарда.
Буш вакыт яки ял бирү тәртибе һәм шартлары норматив актлар яки оешманың коллектив килешүе буенча билгеләнә. Бу яңа үзгәрешләр тулы булмаган ставкада эшләүче яки ялда булучыларга кагылмый.
Кызыклы яңалыкларны күзәтеп бару өчен Телеграм-каналга язылыгыз