Татарстанда алмашынучан болытлы һава һәм 8 градуска кадәр җылы булуы көтелә
Скопировать ссылку
ТР Гидрометеоүзәге мәгълүматлары буенча, дүшәмбе, 24 мартта, Татарстанда алмашынучан болытлы һава көтелә. Җил төньяк-көнбатыштан исә, аның тизлеге секундына 3-8 метр тәшкил итә.
Һава температурасы төнлә һәм иртән -3 градус, көнчыгыш районнарда -12 градуска кадәр салкын була. Көндез республикада +3..+8 градуска кадәр җылыта.
Иртән юлларның аерым участокларында бозлавык булуы ихтимал.