Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда алдагы ял көннәрендә дымлы һәм салкынча һава торышы саклана
Татарстанда алдагы ял көннәрендә һава торышы сизелерлек үзгәрмәячәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Аерым алганда, шимбә көнне, 28 гыйнварда, төнлә республикада һава температурасы -6..-11 (аязган вакытта -16 градуска кадәр), көндез исә -3..-8 градус тәшкил итәчәк.
Якшәмбе көнне, 29 гыйнварда, температура фоны берникадәр түбәнәя. Төнге сәгатьләрдә температура -8..-13 (түбән урыннарда -17 градуска кадәр), көндез -5..-10 градус тәшкил итәчәк, дип искәртә синоптиклар.
Метеорологларның якынча мәгълүматлары буенча, киләсе атна башында, 30-31 гыйнварда, төбәктә урыны белән бераз кар явуы көтелә.
Дүшәмбе көнне һава температурасы төнлә -12..-17, көндез исә -5..-10 градус булачак. Сишәмбе көнне җылы атмосфера үтеп керү нәтиҗәсендә берникадәр җылыта: төнлә температура -6..-11, көндез -3..-8 градус тәшкил итәр дип көтелә.
«Татар-информ» агентлыгы иртәгә, 27 гыйнварда, Татарстанда буран, җепшек кар һәм бозлавык көтелүе хакында элегрәк хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз