Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда АИ-98 маркалы бензин сизелерлек кыйммәтләнде
![Татарстанда АИ-98 маркалы бензин сизелерлек кыйммәтләнде](https://www.tatar-inform.ru/resize/shd/images/uploads/news/2024/7/26/ec3d7cd55207ec3c33cefd3cbe9e22d6.jpg)
Татарстанда агымдагы елның 15 июленнән 22 июленә кадәр барлык маркалы бензин һәм дизель ягулыгы кыйммәтләнүен дәвам итте. Бу Татарстанстат мәгълүматларыннан билгеле булды.
Барыннан да бигрәк АИ-98 һәм аннан югарырак маркалы бензин бәясе арткан — 45 тиенгә (0,6 процентка), бер литры өчен 70,96 сумнан 71,41 сумга кадәр. Шул ук вакытта АИ-92 маркалы бензин 10 тиенгә (0,2 процентка), бер литры өчен 50,27 сумнан 50,37 сумга кадәр кыйммәтләнгән.
Дизель ягулыгы бәясе исә 4 тиенгә (0,1 процентка), бер литры өчен 61,11 сумнан 61,15 сумга кадәр арткан. АИ-95 маркалы бензин нибары 2 тиенгә (0,1 проценттан кимрәккә) кыйммәтләнгән – бер литры өчен 54,54 сумнан 54,56 сумга кадәр.
Июнь нәтиҗәләре буенча Татарстанда АИ-92 маркалы бензин 2023 елның декабре белән чагыштырганда 0,9 процент, АИ-95 маркалы бензин 1,1 процент, АИ-98 һәм аннан югарырак маркалы бензин 3,6 процент, ә дизель 0,8 процентка кыйммәтләнгән.
Элегрәк «Татар-информ» хәбәр иткәнчә, РФ вице-премьеры Александр Новак бензин экспортлауны август аеннан яңадан тыю турында игълан итте.
Кызыклы яңалыкларны күзәтеп бару өчен Телеграм-каналга язылыгыз