news_header_top
16+
news_header_bot
news_top

Татарстанда аэропортлар өчен вакытлыча чикләүләр кертелде

Татарстанда аэропортлар өчен вакытлыча чикләүләр кертелде
Фото: «Татар-информ»

Татарстанда Казан һәм Түбән Кама аэропортлары эшенә вакытлыча чикләүләр кертелде. Бу хакта Росавиация вәкиле хәбәр итте.

«Гражданнар һава суднолары очу куркынычсызлыгын тәэмин итү өчен 31 май (җомга) иртәсендә Татарстандагы ике – Казан (ICAO коды: UWKD) һәм Түбән Кама (UWKE) аэропортлары эшенә вакытлыча чикләүләр кертелде», – диелә хәбәрдә.

Казан аэропорты Мәскәү вакыты белән 05:57 сәгатьтән, Түбән Кама аэропорты Мәскәү вакыты белән 06:24 сәгатьтән һава судноларын вакытлыча кабул итми һәм җибәрми.

news_right_1
news_right_2
news_bot