Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 921 объект инвалидларга яраклаштырып эшләнгән
Объектларда хезмәтләрдән файдалану мөмкинлеге дә булдырылган.
(Казан, 1 декабрь, «Татар-информ», Гадел Әхмәтҗанов). «Уңайлы мохит» программасы нигезендә Татарстанда 10 ел эчендә 921 объект инвалидларга яраклаштырып эшләнгән. Бу хакта бүген «Татар-информ»да «Халыкара инвалидлар ункөнлеге»нә багышланган матбугат очрашуында ТР хезмәт, мәшгульлек һәм социаль яклау министры Эльмира Зарипова хәбәр итте.
«Инвалидларга яраклаштырырга тиешле объектлар исемлегенә, беренче чиратта, алар еш йөри торган урыннар: хастаханәләр, белем бирү учреждениеләре, иҗтимагый оешмалар керә», — диде министр.
Аның сүзләренчә, министрлык тарафыннан быел беренче тапкыр «Һәркем өчен уңайлы мохит» бәйгесе үткәрелгән. Анда халыкны эш белән тәэмин итү органнары, тернәкләндерү оешмалары, халыкка комплекслы һәм стационар социаль хезмәт күрсәтү учреждениеләре катнашкан. 27 оешма иң яхшысы дип табылган.
«Яраклаштыру — ул пандуслар урнаштыру гына түгел, ә төрле хезмәтләрдән, шул исәптән электрон хезмәтләрдән дә, файдалану мөмкинлеген булдыру», — дип өстәде Эльмира Зарипова.
Кызыклы яңалыкларны күзәтеп бару өчен Телеграм-каналга язылыгыз