Хәвеф-хәтәр 20 гыйнвар 2020 15:23

Татарстанда 92 яшьлек әбине көчләгән ир-атны биш ел ярымга колониягә озатканнар

Чүпрәле районының Чуваш Бизнәсе авылында яшәүче, моңарчы да хөкемгә тартылган 58 яшьлек ир-ат өлкән яшьтәге хатын-кызның өенә бәреп кергән һәм җенси мөнәсәбәткә керүне таләп иткән.

Скопировать ссылку

(Казан, 20 гыйнвар, «Татар-информ», Алексей Новиков). 92 яшьлек әбине кыйнаган һәм көчләгән татарстанлыны биш ел ярымга колониягә озатканнар. Бу хакта «Татар-информ» агентлыгына Россия Тикшерү комитетының Татарстан буенча идарәсе җитәкчесенең өлкән ярдәмчесе Андрей Шептицкий хәбәр итте.

Суд ачыклаганча, узган елның 1 октябрендә Чүпрәле районының Чуваш Бизнәсе авылында яшәүче, моңарчы да хөкемгә тартылган 58 яшьлек ир-ат өлкән яшьтәге хатын-кызның өенә бәреп кергән һәм җенси элемтәгә керүне таләп иткән.

Әби аның белән йоклаудан баш тарткач, ир-ат берничә тапкыр аның битенә суккан һәм карчыкны көчләгән.

Ир-атны «Йортка законсыз рәвештә үтеп керү», «Җенси характердагы көчләү гамәлләре» һәм «Зыян күрүченең ярдәмгә мохтаҗ булуыннан файдаланып көчләү» маддәләре буенча биш ел ярымга катгый режимлы колониягә хөкем иткәннәр.

Сәхифәләр

Татарстанда 92 яшьлек әбине көчләгән ир-атны биш ел ярымга колониягә озатканнар