Икътисад 23 февраль 2018 16:45

Татарстанда 90 мең тоннадан артык минераль ашлама тупланган

Иң күп күләмдә минераль ашлама Сарман районында җыелган.

Скопировать ссылку

(Казан, 23 февраль, "Татар-информ"). Татарстан хуҗалыкларында 2018 елгы уңыш өчен минераль ашлама туплау дәвам итә. Бүгенге көнгә республикада 90 мең тоннадан артык, ягъни һәр гектарга 30,7 кг минераль ашлама тупланган, дип хәбәр итә Татарстан Республикасы Авыл хуҗалыгы һәм азык-төлек министрлыгы матбугат хезмәте.

"Иң күп күләмдә минераль ашлама Сарман муниципаль районында тупланган, 1 гектарга – 80 кг. Зәй муниципаль районында – 76 кг/га, Әтнә районында – 69 кг/га", диелә әлеге хәбәрдә.

Татарстан Республикасы Авыл хуҗалыгы һәм азык-төлек министрлыгы белгечләре белешмәләре буенча, бүген бер тонна аммиак селитрасы уртача 13,5 мең сум тора, азофоска – 18,6 мең сум, диаммофоска – 22,3 мең сум, карбамида – 16 мең сум.

#авыл хуҗалыгы #ашлама

Сәхифәләр

Татарстанда 90 мең тоннадан артык минераль ашлама тупланган