news_header_top
Руc Тат
16+
news_header_bot
news_top
Авыл 18 август 2010 14:14

Татарстанда 820 тонна буа балыгы тотарга ниятлиләр

Узган ел аның күләме 800 тонна тәшкил иткән иде

Скопировать ссылку

(Казан, 18 август, «Татар-информ», Ирина Игнатьева). Татарстанда 820 тонна буа балыгы тотарга ниятлиләр. Узган ел аның күләме 800 тонна тәшкил иткән иде. Бу хакта “Татар-информ” агентлыгына ТР Авыл хуҗалыгы һәм азык-төлек министрлыгыннан хәбәр иттеләр.
Аномаль корылык шартларында буа хуҗалыклары хезмәткәрләре балыкның санын саклап калу өчен зур тырышлык куйды. Мәгълүм булганча, суның температурасы югары булу аркасында анда кислород кытлыгы барлыкка килә. Балыклар үлә. Мондый хәл килеп чыкмасын өчен буаларга даими рәвештә төп сулыклардан салкынча су җибәрәләр.
Сентябрь аенда буа хуҗалыклары хезмәткәрләре балык тотарга керешәчәк. 7-8 көн дәвамында буаларда суны киметү өчен аны елгага агызачаклар.
Буа хуҗалыклары хезмәткәрләре яңа тотылган балыкны Татарстан районнарында да, шәһәрләрдә дә сата. Балыкны күпләп алу өчен Россия төбәкләреннән дә сатып алучылар килә.
 

news_right_1
news_right_2
news_bot