Җәмгыять 27 апрель 2018 21:23

Татарстанда 78 меңгә якын кеше май бәйрәмнәренә чит илгә чыга алмаячак

Әҗәтне «Башкарма производство мәгълүматлары банкы» сервисы ярдәмендә түләргә мөмкин.

Скопировать ссылку

(Казан, 27 апрель, «Татар-информ», Елена Кривопатре). Татарстанда 77 мең 571 кеше, бурычлары булу аркасында, чит илгә чыга алмаячак. Бу хакта Россия Федераль суд приставлары хезмәтенең Татарстан буенча идарәсе матбугат хезмәте хәбәр итә.

Алиментлар, сәламәтлеккә, милеккә, әхлаккый зыян китерү, туендыручысын югалтуга бәйле рәвештә зыянны каплау буенча әҗәтләренең күләме 10 мең сум тәшкил иткән кешеләргә өйләрендә генә утырырга туры киләчәк. Бурычлы кешеләрнең калганнары өчен әлеге чик 30 мең сум күләмендә билгеләнгән.

Суд приставлары хезмәтендә билгеләп үтүләренчә, бурычын тулысынча түләгән гражданнар чит илгә чыга алачак. Әҗәтне «Башкарма производство мәгълүматлары банкы» сервисы ярдәмендә түләргә, ә юл йөрү кагыйдәләрен бозган өчен салынган штрафлар турында РФ һәм ТР дәүләт хезмәтләре порталларында (анда Россия Федераль суд приставлары хезмәтенең ТР буенча идарәсенә сылтама бар) белергә мөмкин.

#суд приставлары #алимент #штраф

Сәхифәләр

Татарстанда 78 меңгә якын кеше май бәйрәмнәренә чит илгә чыга алмаячак