Хәвеф-хәтәр 7 декабрь 2020 10:33

Татарстанда 7 яшьлек малай мунчада ис тиеп үлгән

Бала мунчага үзе генә юынырга киткән, 15 минуттан соң аны аңсыз хәлдә табып алганнар.

Скопировать ссылку

(Казан, 7 декабрь, «Татар-информ»). Татарстанда 7 яшьлек малай мунчада башына ис тиеп үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Малайның әнисе әйтүенчә, мунчага көндез якканнар һәм даими рәвештә утын өстәп торганнар. Бала юынырга үзе генә киткән. 15 минуттан соң аны мунчада аңсыз хәлдә табып алганнар.

Малайның мунчада башына ис тигән һәм шул сәбәпле аңын югалткан дип фаразлана. Хәзерге вакытта баланың ни сәбәпле үлүен ачыклыйлар.

#ис газы

Сәхифәләр

Татарстанда 7 яшьлек малай мунчада ис тиеп үлгән