Татарстанда 7 градуска кадәр җылы булачак
Скопировать ссылку
Бүген Татарстанда болытлы һава торышы булачак, көндез аязучан болытлы һава көтелә. Көндезге температура нульдән югарырак фаразлана, дип хәбәр итә Гидрометүзәкнең матбугат хезмәте.
Моннан тыш, кар һәм яңгыр явачак. Иртән урыны белән буран була. Көньяк-көнбатыш җиле секундына 6-11 метр тизлек белән исәчәк, урыны белән җил секундына 18 метрга җитәчәк.
Төнлә термометр баганасы -3дән +2 градуска кадәр, көндез +2дән +7 градуска кадәр күрсәтәчәк. Юлларда бозлавык саклана.