Җәмгыять 25 апрель 2023 11:10

Татарстанда 50 елдан соң яңа температура рекорды куелды

Скопировать ссылку

Казанда чираттагы температура рекорды куелды. Кичә, 24 апрельдә, Татарстан башкаласында һава температурасы +22,8 градуска кадәр җитте. Соңгы тапкыр мондый югары температура 50 ел элек диярлек, 1975 елда теркәлгән иде. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Бу көндә температура рекорды кабатлануы Казан-Аэропорт метеостанциясе мәгълүматларыннан билгеле булды.

5 апрельдә Татарстанда термометрның терекөмеш баганасы күрсәткече 2020 елгы һава температурасы рекордын узып китте, ул көнне +16 градуска кадәр җылыткан.

Искәртик, атна азагында Татарстанда +26 градуска кадәр җылылык көтелә. 28-29 апрельдә республика бик җылы һава массалары зонасында була.

Сәхифәләр

Татарстанда 50 елдан соң яңа температура рекорды куелды