news_header_top
Руc Тат
16+
news_header_bot
news_top
Җәмгыять 7 октябрь 2023 15:04

Татарстанда 45 муниципалитетта да социаль объектларга һәм торак йортларга җылылык бирелде

Скопировать ссылку

Татарстан Республикасында, агымдагы җылы һава торышына карамастан, барлык 45 муниципаль берәмлектә җылы бирү башлану турында карар кабул иткәннәр һәм социаль объектларга һәм торак йортларга җылылык җибәрә башлаганнар. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин хәбәр итте.

Республика Рәисе Рөстәм Миңнеханов киңәшмәне барлык районнар белән видеоконференцэлемтә режимында үткәрде. Киңәшмәдә шулай ук ТР Премьер-министры Алексей Песошин да катнашты. Бу хакта ТР Рәисе матбугат хезмәте хәбәр итә.

Әйтик, бүгенге көндә республикада 2 466 котельная эшли башлаган, бу 77 процент тәшкил итә.

9 853 күп фатирлы йорт җылытыла - бу республикадагы торак фондының 55 проценты.

Шулай ук 1 604 сәламәтлек саклау объектына (81 процент), 2 809 мәгариф объектына (86 процент), 1 211 мәдәният объектына (63 процент), 229 спорт һәм яшьләр объектына (яки тармак объектларының гомуми санының 63 процентына), 124 социаль яклау объектына (75 процентына) җылылык җибәрелгән.

news_right_1
news_right_2
news_bot