Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 350 чакрым озынлыгындагы «Идел сукмагы» туристик маршруты барлыкка килде
Бүген «Казан Кремле» музей-тыюлыгы лекториенда 350 чакрым озынлыгындагы «Идел сукмагы» җәяүлеләр маршрутын тәкъдим иттеләр. Анда Татарстанның 100дән артык мәдәни һәм тарихи һәйкәле, шулай ук аеруча саклана торган 26 территориясе керәчәк.
«Проект табигать территорияләрен үстерүнең яңа модельләрен формалаштыруга юнәлдерелгән. Бу җәяүлеләр маршруты гына түгел. Без үз алдыбызга күпмедер дәрәҗәдә Идел елгасын татарстанлыларга кире кайтару бурычын да куйдык, аның элек-электән коммуникацияләр системасы зәгыйфь булган. Без, җанлы сәяхәт формалаштырып, төркемле стандарт маршрутлардан читкә чыгарга телибез, бу һәр сәяхәтче өчен үтемле ял төре булачак», - дип искәртте ТР Шәһәрләрен үстерү институтының «Табигать территорияләре һәм экотуризмны үстерү дирекциясе» департаменты җитәкчесе Оксана Саргина.
Аның сүзләренчә, җәяүлеләр сукмагы Иделнең уң як яры буйлап Ульяновск өлкәсе чигеннән Чувашия Республикасына кадәр сузылачак. Маршрут 5 муниципаль районны, 100дән артык мәдәни мирас объектын һәм аеруча саклана торган 26 табигать территориясен тоташтырачак.
Татарстанда сукмак өч өлешкә (Казан агломерациясе, Кама Тамагы һәм Тәтеш) бүленгән, аны 5 сәгать эчендә дә, 5 көндә дә үтәргә мөмкин. Сукмакны өлешләп тә узып була, ул тугыз маршруттан гыйбарәт. Сәяхәткә тулаем алганда ике атна вакыт китәчәк.
Кызыклы яңалыкларны күзәтеп бару өчен Телеграм-каналга язылыгыз