Хәвеф-хәтәр 30 апрель 2018 14:48

Татарстанда 34 яшьлек ир авылдашын ялгыш атып үтергән

Фаҗига Балык Бистәсе районы Гремячка авылы янындагы урман полосасында килеп чыга.

Скопировать ссылку

(Казан, 30 апрель, «Татар-информ»). Татарстанда 34 яшьлек ир-ат үзенең авылдашын ялгыш атып үтергән, дип хәбәр иттеләр “Татар-информ”га Татарстан Эчке эшләр министрлыгының матбугат хезмәтендә.

Фаҗига 28 апрельдә, шимбә көнне, Балык Бистәсе районының Гремячка авылы янындагы урман полосасында килеп чыккан. Биектау авылында яшәүче 34 яшьлек ир-ат ау мылтыгыннан 37 яшьлек авылдашына аткан. Алган яралардан ир-ат вафат була.

Фаҗиганең башлангыч сәбәбе – утлы корал белән саксыз эш итү. Әлеге факт буенча “Саксызлык нәтиҗәсендә үлемгә китерү” маддәсе нигезендә җинаять эше ачылды.
Ау сезны ачылганнан алып (28 апрель), утлы корал белән саксыз эш итү сәбәпле, кешеләрнең яралануына яки үлеменә китергән 4 очрак теркәлгән.

#балык бистәсе #ау мылтыгы

Сәхифәләр

Татарстанда 34 яшьлек ир авылдашын ялгыш атып үтергән