Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 34 оешмада мәҗбүри вакцинация карарын бозу очраклары ачыкланган
Бүгенге көндә Роспотребнадзор хезмәткәрләре бөтен республика буенча 420 объектны тикшергән.
(Казан, 10 декабрь, «Татар-информ», Эвелина Киселева). Татарстанда Covid-19 коронавирусыннан мәҗбүри вакцинация турындагы карарның үтәлешен тикшерүне дәвам итәләр. Республиканың 34 предприятиесендә хокук бозу очраклары ачыкланды.
«Без Татарстанның баш дәүләт санитар табибының мәҗбүри вакцинация турындагы карарының үтәлешен тикшереп торуны дәвам итәбез. Сез беләсезме, 7 декабрьдән икенче прививкалары булмаган, ягъни вакцинацияне тулысынча узмаган кешеләр эштән читләштерелергә тиеш», — диде Роспотребназор җитәкчесенең урынбасары Любовь Авдонина.
Бүгенге көндә Роспотребнадзор хезмәткәрләре бөтен республика буенча 420 объектны тикшергән, 34 предприятиедә хокук бозу очраклары ачыкланган — бу тикшерелгәннәрнең 8 проценты дигән сүз.
«Беренче беркетмәне суд караган, ул тулысынча хупланды. Кама Тамагы районында предприятие республиканың баш дәүләт санитар табибы карарын үтәмәгән өчен 25 мең сумга штрафка тартылды», — дип өстәде спикер.
«Татар-информ» мәгълүмат агентлыгы Татарстанда карарның үтәлешен тикшерүнең ничек узуын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз