Татарстанда 33 градус эссе булачак
Республикада яшенле яңгырлар һәм көчле җил булырга мөмкин.
Скопировать ссылку
(Казан, 11 май, “Татар-информ”). Иртәгә, 12 майда, Татарстанда 33 градус эссе булачак. Бу хакта Татарстан Гидрометеорология үзәге хәбәр итә.
Республикада төнлә һәм иртән кыска вакытлы яңгырлар һәм яшен булачак.
Яшен вакытында көнчыгыш һәм көньяк-көнчыгыштан исүче җилнең тизлеге 15-20 метрга җитәргә мөмкин.
Төнлә республикада һава температурасы 13-18 градус булачак. Көндез термометр баганалары +28, +33 градуска кадәр күтәреләчәк.
- Татарстанның Гадәттән тыш хәлләр министрлыгы республикада аномаль эсселек турында кисәтте.