Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 32 торак пунктны язгы ташу вакытында су басарга мөмкин
Татарстан Гадәттән тыш хәлләр министрлыгында, елгаларда суның биеклеге куркыныч билгегә җиткәч, 2024 елның язгы ташу чорында су басу ихтималы булган зоналарны атадылар. Шул хактагы мәгълүмат ведомствоның рәсми сайтында урнаштырылган.
«ТР Гидрометеорология һәм әйләнә-тирә мохитне күзәтү идарәсе» федераль бюджет учреждениесе фаразлары һәм статистика мәгълүматлары нигезендә, быел язгы ташу чорында республиканың 10 елгасы ярларыннан ташып чыгу нәтиҗәсендә 32 торак пунктны (аларда барлыгы 1003 йорт исәпләнә) су басарга мөмкин.
Биредә Тымытык, Иске Тумба, Иске Камка, Кәче, Кече Төрнәле, Уба, Исергәп авыллары һәм Балтач, Буа, Биектау, Яшел Үзән, Кайбыч, Мамадыш, Лениногорск, Яңа Чишмә, Ютазы районнары территориясендәге тагын берничә торак пункт хакында сүз бара. Торак пунктларның тулы исемлеге Гадәттән тыш хәлләр министрлыгы сайтында урнаштырылган.
Ведомствода билгеләп үтүләренчә, әлеге мәгълүмат урыннарда чара күрү өчен муниципаль берәмлек башлыклары адресына юлланган.
Кызыклы яңалыкларны күзәтеп бару өчен Телеграм-каналга язылыгыз