Татарстанда 31 градуска кадәр салкын көтелә
Шимбә республика территориясендә уртача тизлектә җил фаразлана.
Скопировать ссылку
(Казан, 19 февраль, «Татар-информ»). Шимбә, 20 февральдә, Татарстанда 31 градуска кадәр салкын көтелә.
«Иртәгә алмашынучан-болытлы һава көтелә. Төнлә бераз кар яварга мөмкин. Көндез явым-төшем ихтималы аз», — дип хәбәр итәТатарстан Гидрометеорология һәм әйләнә-тирә мохитне күзәтү үзәге матбугат хезмәте.
Шулай ук көньяк-көнбатыштан, төньяк көнбатыштан уртача тизлектә җил фаразлана.
Төнлә һава температурасы -21…-26 градус, урыны белән -31 градус булачак. Көндез һава температурасы 15-20 градус салкын тәшкил итәчәк.
Юлларда бозлавык хасил булырга мөмкин.