Татарстанда 3 майда яңгырлар һәм көчле җил көтелә
Скопировать ссылку
Татарстан Республикасында җомга көнне, 3 майда, болытлы һава торышы саклана. ТР Гидрометеорология һәм әйләнә-тирә мохитне күзәтү идарәсе мәгълүматларыннан күренгәнчә, тәүлек дәвамында бераз яңгыр явуы ихтимал, төнлә кайбер районнарда көчле явым-төшемнәр, урыны белән яшенле яңгыр көтелә.
Көньяк-көнбатыштан һәм көнбатыштан секундына 6-11 метр тизлектә җил исә, урыны белән аның тизлеге 15-18 метрга кадәр көчәя.
Төнлә һава температурасы +4..+9 градус тәшкил итсә, көндез +9..+14 градуска кадәр җылыта.