Татарстанда +29 градуска кадәр явым-төшемсез һава торышы көтелә
Скопировать ссылку
Бүген, 15 июльдә, Татарстанда элек урнашкан коры һәм уртача җылы һава торышы сакланачак. Бу хакта ТР Гидрометеорология үзәге хәбәр итә.
Республикада алмашынучан болытлы һава. Явым-төшемсез. Урыны-урыны белән (Казанда түгел) төнлә һәм иртән төшкән томан көндез таралачак.
Төньяк һәм төньяк-көнбатыш җилләренең көче секундына 3 метрдан 8 метрга кадәр җитәчәк, көндезге сәгатьләрдә аның көче урыны белән 13 метрга кадәр җитәргә мөмкин.
Тәүлекнең якты вакытында һава +24..+29 градуска кадәр җылыначак (ТР башкаласында +25..+27 градуска кадәр).