Татарстанда -28 градуска кадәр суытачак
Скопировать ссылку
Татарстанда шимбә көнне -28 градуска кадәр суытачак, дип хәбәр итә ТР Гидрометүзәге.
4 гыйнварда кар явачак, урыны белән буран булачак. Төнге сәгатьләрдә һава температурасы -4...-9 градус, көндез -2...-7 градуска җитәчәк.
5 гыйнвар көнне температура төнлә -13...-18 градуска кадәр, урыны белән -22 градуска кадәр төшәчәк. Көндез термометр баганалары -4...-9, ә көнчыгышта -15 градуска кадәр булачак.
Җомга көнне, 6 гыйнварда, янә кар явачак, төнлә -13...-18 градус, ә көндез -10...-15 градус салкын булачак. Шимбә көнне һава температурасы -19...-24 градус, урыны белән -28 градуска кадәр җитәчәк.