Татарстанда +26 градуска кадәр җылы һәм көчле җил көтелә
Скопировать ссылку
Бүген, 28 майда, Татарстанда температура фоны күтәреләчәк. Бу хакта ТР Гидрометеорология үзәге хәбәр итә.
Антициклон тәэсире сәбәпле, республикада аз болытлы һава торышы була, явым-төшем көтелми.
Көньяк-көнбатыш һәм көнбатыштан секундына 6-11 метр тизлектә исүче җил урыны белән, шул исәптән Казанда да, тәүлекнең якты вакытында секундына 15 метрга кадәр көчәячәк, дип билгеләп үтә синоптиклар.
Төнге салкыннардан соң төбәктә һава температурасы +21..+26 градус тәшкил итәчәк (ТР башкаласында – +23..+25 градус).