Җәмгыять 1 ноябрь 2022 09:48

Татарстанда 25,5 мең гаилә беренче балага социаль түләүләр рәсмиләштерде

Скопировать ссылку

Татарстаннан 25,5 меңнән артык гаилә беренче бала туганга айлык акчалата түләүләр ала. Бу Татарстанның «Демография» илкүләм проектында катнашуы нәтиҗәсендә мөмкин булды.

«Беренче бала туган гаилә яшәү урыны буенча Республика матди ярдәм үзәгенең бүлегенә гариза белән мөрәҗәгать итә ала. Айлык түләү суммасы республикада балаларга яшәү минимумы күләменә тигез, ул 2022 елда 11 476 сум тәшкил итә. Түләүләр балага өч яшь тулганчы бирелә», - диелгән Татарстан Хезмәт, халыкны эш белән тәэмин итү һәм социаль яклау министрлыгының матбугат хезмәте хәбәрендә.

Мисал өчен, Республика матди ярдәм үзәгенең Кама Тамагы районындагы бүлегенә беренче балага социаль түләү алу өчен Тимошиннар гаиләсе мөрәҗәгать итте. Баланың әтисе «Гипсовый рудник» АҖдә эшли, ә әнисе – бала тәрбияләү ялында. Ата-ана сүзләренчә, түләү өстәмә керем чыганагы һәм бала өчен кирәкле әйберләр алу мөмкинлеге бирә.

Сәхифәләр

Татарстанда 25,5 мең гаилә беренче балага социаль түләүләр рәсмиләштерде