Татарстанда 25 градуска кадәр җылы булачак, кыска вакытлы яңгырлар көтелә
Скопировать ссылку
Бүген, 22 августта, Татарстанда чираттагы атмосфера фронты аркасында шактый салкын һәм тотрыксыз һава торышы фаразлана. Бу хакта ТР Гидрометеорология үзәге хәбәр итә.
Республикада алмашынучан болытлы һава сакланачак. Урыны белән, Казанны да кертеп, кыска вакытлы яңгырлар ява.
Җил көньяк-көнбатыштан, секундына 5-10 метр тизлектә булачак. Кайвакыт җил секундына 14 метрга кадәр көчәячәк.
Салкынча төннән соң көндез һава +20...+25 градуска кадәр җылыначак (Казанда – +20...+22 градуска кадәр генә).