Татарстанда 23 градуска кадәр җылы булыр дип көтелә
Скопировать ссылку
Бүген, 13 майда, Татарстанда температура күтәрелү фаразлана. Бу хакта ТР Гидрометеорология үзәге хәбәр итә.
Республикада алмашынучан болытлы һава сакланачак. Көннең якты вакытында сизелерлек явым-төшем көтелми.
Көнчыгыш һәм төньяк-көнчыгышта 4-9 м/с җил исәчәк. көндез ул урыны-урыны белән 12 м/с ка кадәр көчәячәк (ләкин Казанда түгел).
Шактый салкын төннән соң көндезге сәгатьләрдә төбәк буенча һава 18-23 градуска кадәр җылыначак (ТР башкаласында – 20-22 градуска кадәр).