Җәмгыять 14 гыйнвар 2022 08:50

Татарстанда 22 яшьлек егет берьюлы грипп һәм коронавирус белән дә авырый

Пациентның хәле уртача авырлыкта дип бәяләнә, гомеренә берни дә янамый.

Скопировать ссылку

(Казан, 14 гыйнвар, «Татар-информ»). Татарстанда грипп һәм Covid-19 коронавирусы белән бер үк вакытта авыру очрагы теркәлгән. Бу хакта «Татар-информ» корреспондентына ТР Сәламәтлек саклау министрлыгының баш инфекционисты Халит Хәертынов сөйләде.

«22 яшьлек пациент коронавирус инфекциясе белән дә, гриппның А төре белән дә авырый», - диде табиб.

Пациент вакытында табибка мөрәҗәгать иткән. Ул Республика клиник йогышлы авырулар хастаханәсенә озатыла һәм Covid-19га каршы да, шулай ук гриппка каршы да дарулар эчә башлый.

Терапия ярдәмендә тән температурасы нормальләште, пациентның хәле уртача авырлыкта дип бәяләнә, гомеренә берни дә янамый - болар барысы да табибка вакытында мөрәҗәгать итү нәтиҗәсе, ди табиб.

#коронавирус #грипп

Сәхифәләр

Татарстанда 22 яшьлек егет берьюлы грипп һәм коронавирус белән дә авырый