Җәмгыять 8 декабрь 2025 10:29

Татарстанда 2026 елда салым законнарына кертеләчәк үзгәрешләр турында вебинар була

Скопировать ссылку

Россия Федераль салым хезмәтенең Татарстан идарәсе «2026 елда салым законнарына кертеләчәк өстәмә бәягә салым һәм махсус салым режимнарына кагылышлы үзгәрешләр» темасына вебинар үткәрәчәк. Бу хакта Федераль салым хезмәтенең ТР идарәсе матбугат хезмәте хәбәр итә.

Чара 11 декабрьдә 10:30 сәгатьтә узачак.

Спикер буларак идарәнең юридик затларга салым салу бүлеге башлыгы Эльмира Хәмидуллина чыгыш ясаячак. Вебинар барышында норматив-хокукый базадагы 2026 елда үз көченә керәчәк үзгәрешләр турында тулы мәгълүмат биреләчәк. Катнашучылар реаль вакыт режимында сораулар бирә алачак.

Катнашу бушлай. Сылтама аша узып алдан теркәлү мәҗбүри.

Сәхифәләр

Татарстанда 2026 елда салым законнарына кертеләчәк үзгәрешләр турында вебинар була