Татарстанда 2026-2031 елларга халык сәнгать һөнәрләрен үстерү концепциясе эшләнде
Татарстанда 2026–2031 елларга халык сәнгать кәсепләрен яңарту, саклау һәм үстерү концепциясе эшләнде. Әлеге проект хәзерге вакытта коррупциягә каршы экспертиза уза.
Документ республикада традицион һөнәрчелек һәм декоратив-гамәли сәнгатьне үстерүнең төп юнәлешләрен билгели.
Концепция Татарстанның мәдәни мирасын саклау, осталарга ярдәм итү һәм халык кәсепләрен популярлаштыруга юнәлдерелгән.
Документ кысаларында халык сәнгать кәсепләре үзәкләре булдыру, фәнни тикшеренүләр һәм мастер-класслар үткәрү, фестивальләр оештыру, осталар һәм укытучылар өчен квалификация күтәрү курсларын булдыру, продукцияне сату каналларын киңәйтү һәм осталар белән эшләнгән әйберләрне санлы теркәү каралган.
Моннан тыш, халык кәсепләрен республиканың туристлык инфраструктурасына интеграцияләү һәм югары сәнгать дәрәҗәсендәге эшләнмәләрдән торган республика күргәзмә фондын булдыру планлаштырыла.
Концепцияне гамәлгә кертү нәтиҗәсендә, бу тармакта осталар һәм кечкенә эшмәкәрлек субъектлары саны артыр, шулай ук сәнгати яктан кыйммәтле әйберләр җитештерү күләме киңәер дип көтелә.