Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 2026-2028 елларга стипендияләр күләмен билгеләделәр
Татарстан Министрлар Кабинеты 2026 елга һәм 2027-2028 елларның планлы чорына стипендия фондын формалаштыру өчен нормативлар, һөнәри һәм югары белем бирү оешмаларында укучыларны тукландыруның көндәлек рационы бәясен билгеләде. Бу карарны Татарстан Премьер-министры Алексей Песошин имзалады.
Документ буенча 2026 елның 1 гыйнварыннан югары уку йортлары аспирантларына, ординаторларына һәм ассистент-стажерларына дәүләт стипендиясен түләү өчен нормативлар күләме аена 3 093 сум тәшкил итәчәк, 2028 елның сентябреннән этаплап 3 480 сумга кадәр артачак. Бакалавриат, специалитет һәм магистратура студентлары норматив буенча 2026 елның гыйнварыннан 2 263 сум алачак, 2028 елның сентябренә бу сумма 2 546 сумга кадәр артачак.
Урта звено белгечләре әзерләү программалары буенча белем алучы көллият һәм техникум студентлары өчен норматив 2026 елда аена 824 сум тәшкил итә һәм 2028 елда 927 сумга кадәр артачак. Квалификацияле эшчеләр һәм хезмәткәрләр әзерләү программалары буенча (төп гомуми белем базасында) укучылар өчен сумма 2026 елның гыйнварыннан аена 590 сум тәшкил итәчәк һәм 2028 елга 665 сумга кадәр артачак.
Фәнни учреждениеләр аспирантлары өчен сумма шактый югарырак булачак – 2026 елда 8 384 сумнан башлана, ә 2028 елда 9 431 сумга кадәр була.
Шулай ук һөнәри һәм югары уку йортлары студентларының көндезге ашау рационы бәясе дә билгеләнгән: 2026 елда - 87,94 сум, 2027 елда - 91,46 сум һәм 2028 елда - 95,12 сум. Олимпия резервы училищесы укучылары өчен туклану нормативлары спорт төренә һәм физик күнегүләр дәрәҗәсенә карап дифференциацияләнгән – көненә 562 сумнан алып 1 000 сумнан артыгракка кадәр.
Студентларның ташламалы категорияләренә (ятим балаларга, инвалидларга, хәрби хәрәкәтләр ветераннарына һәм башкаларга) дәүләт социаль стипендияләре билгеләгәндә мәгариф оешмаларына билгеләнгән нормативларга карата 1,5 югары коэффициент кулланырга киңәш ителә.
Кызыклы яңалыкларны күзәтеп бару өчен Телеграм-каналга язылыгыз