Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 2022 елга республиканың капиталь ремонт программалары тәмамланды
Татарстанда 2651 объектта капиталь ремонт буенча 29 республика программасын гамәлгә ашыру тулысынча төгәлләнде. Әлеге программаларны финанслау күләме 24 млрд 618 млн сум тәшкил иткән. Бу хакта Татарстан Хөкүмәте Йортында узган традицион киңәшмәдә төбәкнең төзелеш, архитектура һәм торак-коммуналь хуҗалык министрының беренче урынбасары Алексей Фролов сөйләде.
Киңәшмә Татарстанның барлык муниципалитетлары белән видеоконференцэлемтә режимында узды. Аны республика Премьер-министры Алексей Песошин уздырды. Бу хакта ТР Президентының матбугат хезмәте хәбәр итә.
Бу атнада, докладчы сүзләренчә, подрядчылар соңгы программаны - стационар сәламәтлек саклау объектларын капиталь ремонтлау программасын үтәгән. Чистайда һәм Нурлат районында ике хастаханәдә капиталь ремонт эшләре төгәлләнгән.
Моннан тыш, Татарстанда быел 114 объектны үз эченә алган тугыз федераль программа буенча капиталь ремонт эшләре алып барылды. Бу максатка 5 млрд 261 млн сум сарыф ителгән.
Кызыклы яңалыкларны күзәтеп бару өчен Телеграм-каналга язылыгыз