Татарстанда 2018 елның августына 27 авыл Мәдәният йорты төзеләчәк
Республиканың 24 районында авыл Мәдәният йортлары барлыкка киләчәк. Аларны сафка бастыру 260 миллион сумга төшәр дип көтелә.
Скопировать ссылку
(Казан, 2 гыйнвар, «Татар-информ»). Татарстанда 2018 елның августына 27 авыл Мәдәният йорты төзеләчәк. Аларны сафка бастыру 260 миллион сумга төшәр дип көтелә. Заказчы – ТР Баш инвестиция-төзелеш идарәсе, дип хәбәр ителә дәүләт сатып алулары порталында.
Республиканың 24 районында авыл Мәдәният йортлары барлыкка киләчәк. 50 урынга исәпләнгән бер объектны төзү – 6,6 миллион, 100 урынлыны – 12 миллион, 200 урынлыны – 14 миллион, 300 урынлы Мәдәният йортын сафка бастыру 16,8 миллион сумга төшәчәк.