Хәвеф-хәтәр 8 февраль 2017 17:56

Татарстанда 2016 елда исерек йөртүче гаебе белән юл һәлакәтендә 111 кешенең гомере өзелгән

Кешенең үлеменә сәбәпче булган мондый йөртүчеләр 2 елдан алып 9 елга кадәр ирегеннән мәхрүм ителә.

Скопировать ссылку

(Казан, 8 февраль, “Татар-информ”). 2016 елда Татарстанда исерек йөртүчеләр 488 юл һәлакәтенә сәбәпче булган. Нәтиҗәдә, 111 кеше һәлак булган һәм 646 кеше төрле дәрәҗәдә җәрәхәтләнгән. Бу хакта Татарстан Республикасы буенча Эчке эшләр министрлыгының ЮХИДИ идарәсе матбугат хезмәте хәбәр итә.

Татарстан Дәүләт автоинспекциясе искә төшерә: транспортны исерек хәлдә йөрткән өчен, аның йөртүчесенә 30 мең штраф салына. Моннан тыш, ул автомобиль йөртү хокукыннан ел ярымнан алып, ике елга кадәр мәхрүм ителә.

Үткән ел эчендә Дәүләт автоинспекциясе хезмәткәрләрне исерек хәлдә машина йөртүнең 17 мең очрагын ачыклаган.

Кеше исерек хәлдә транспортны йөртүдә икенче тапкыр тотылса, аңа 200-300 мең сум күләмендә штраф салына. Ул 480 сәгать мәҗбүри эш җәзасын ала. Шулай ук ул 2 елдан алып, 4 елга кадәр ирегеннән мәхрүм ителә.

2016 елда Татарстанда полиция хезмәткәрләре икенче тапкыр исерек хәлдә машина йөртергә утыручыларның 1445 очрагын ачыклаган. 1034 факт буенча җинаять эше кузгатылган. 411е үз карарын көтә.

Юл һәлакәтендә кешенең үлеменә сәбәпче булган исерек хәлдәге йөртүчеләр исә 2 елдан алып 9 елга кадәр ирегеннән мәхрүм ителә.

#исекрек йөртүче #һәлакәт

Сәхифәләр

Татарстанда 2016 елда исерек йөртүче гаебе белән юл һәлакәтендә 111 кешенең гомере өзелгән