Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 200дән артык кеше түләүсез юридик ярдәм алды
Татарстанда Бөтенроссия түләүсез юридик ярдәм көне узды. Гражданнарны кабул итүне «Бердәм Россия» рәисенең төбәк һәм җирле иҗтимагый кабул итү бүлмәләрендә оештырганнар, дип хәбәр итә партиянең матбугат хезмәте.
Бөтенроссия акциясе барышында 200дән артык кеше консультация алды. Бу чара Казанда, Әлмәттә һәм Түбән Камада аеруча зур кызыксыну уятты.
Оештыручылар билгеләп үткәнчә, мондый акцияләр халыкка төрле мәсьәләләр буенча тиз арада профессиональ юридик ярдәм алырга булыша. Мөрәҗәгать итүчеләргә хезмәт, пенсия, салым, мөлкәт, җир һәм торак-коммуналь законнар нормалары аңлатылды.
Белгечләр катлаулы тормыш хәлләренә юлыгучыларга аерым игътибар бирделәр. Юристларга Казанда яшәүче хатын мөрәҗәгать иткән, ул элеккеге иренең бала тәрбияләүдә һәм карауда катнашмавы турында сөйләгән. Хатын-кыз алиментны никахны өзгәннән соң гына түләтергә мөмкин дип санаган, әмма аңа Гаилә кодексы ата-аналарның балаларны карау бурычын аерылышу факты белән бәйләмәвен аңлатканнар.
Аңа шулай ук алиментларны нотариаль килешү яки суд аша рәсмиләштерергә мөмкин, ә икенче ата-ананың тотрыксыз яки рәсми булмаган кереме булганда, түләүләрне акчалата суммада билгеләргә мөмкин, дип аңлаттылар.
Түләүсез юридик ярдәмне «Бердәм Россия» төбәк иҗтимагый кабул итү бүлмәсендә даими нигездә алырга мөмкин. Гражданнарны эш көннәрендә юрист Екатерина Бучинская кабул итә. Консультациягә 8 (843) 238-10-00 телефоны буенча язылырга мөмкин.
Кызыклы яңалыкларны күзәтеп бару өчен Телеграм-каналга язылыгыз