Татарстанда +20 градуска кадәр җылытачак
Республикада урыны белән бераз яңгыр явачак.
Скопировать ссылку
(Казан, 2 октябрь, «Татар-информ»). Иртәгә, 3 октябрьдә, Татарстан территориясендә җылы һәм коры һава торышы көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.
Төнлә термометр баганалары нульдән 7 градуска кадәр төшәчәк. Көндезен һава 15-20 градуска кадәр җылыначак.
Урыны белән республикада бераз яңгыр явачак. Көньяк-көнбатыштан талгын җил булачак.
«Татар-информ» мәгълүмат агентлыгы элек хәбәр иткәнчә, Татарстан синоптиклары киләчәк аномаль җылынуны антициклон йогынтысы белән аңлата.