Авыл 28 август 2014 15:37

Татарстанда 2,6 миллион тонна ашлык суктырылган

1,1 миллион гектардан күбрәк мәйданнан бөртекле культуралар уңышы җыелган

Скопировать ссылку

(Казан, 28 август, «Татар-информ», Ирина Игнатьева). Татарстанда 2,6 миллион тонна ашлык суктырылып алынган. 1 миллион 148,9 мең гектардан бөртекле культуралар җыелган, бу — барлык мәйданнарның 74 проценты дигән сүз, дип хәбәр итә ТР Авыл хуҗалыгы һәм азык-төлек минитсрлыгы.

Урып-җыю эшләре Апас, Әлки районнарында төгәлләнеп килә, анда инде 99 процент мәйданда бөртекле һәм кузаклы культураларны суктырганнар. Буада 97 процент, Нурлатта — 96 процент мәйданнан уңыш җыелган. Яшел Үзән районында 14 процент, Спас районында 15, ә Алексеевск районында 16 процент мәйданнан ашлык суктырасы бар.

Сәхифәләр

Татарстанда 2,6 миллион тонна ашлык суктырылган