news_header_top_970_100
news_header_bot_970_100

Татарстанда 180 меңнән артык бала җәйге сәламәтләндерү лагерьларында ял итәчәк

Татарстанда 180 меңнән артык бала җәйге ялларын сәламәтләндерү лагерьларында уздырачак.

«Без ел саен кыш, яз, җәй һәм көзге каникулларда 218 мең баланың ялын оештырабыз. 2022 елның җәйге чорында республикада 182 мең баланың сәламәтлеген ныгыту планлаштырыла», - дип сөйләде республика яшьләр эшләре министрының беренче урынбасары Ринат Садыйков «Бердәм Россия» партиясенең төбәк җәмәгатьчелек кабул итү бүлмәсендә.

Аның сүзләренчә, ялны төрле формада оештыручы 1 652 оешмада, шул исәптән шәһәр яны ял урыннары, палатка һәм мәктәп яны лагерьлары, шифаханә-курорт учреждениеләрендә эш оештырылачак.

«Быел 42 692 бала бушлай ял итә. Югары уку йортларында укучы студентларга 5 мең , укучыларга хезмәт һәм ял лагерьларына 11 мең, олимпиадада җиңүчеләр һәм призерларга, иҗади конкурслар лауреатларына 7 мең чамасы юллама биреләчәк», - диде ул.


 

news_right_column_1_240_400
news_right_column_2_240_400
news_bot_970_100