Татарстанда 18.00 сәгатьтә сайлаучыларның 70 процентка якыны тавыш биргән
Тавыш бирүчеләр саны буенча республиканың Кайбыч районы лидер булып тора.
Скопировать ссылку
(Казан, 18 март, “Татар-информ”, Рөстәм Кильсинбаев). 18.00 сәгатькә Татарстанда Россия Президенты сайлауларында тавыш бирүчеләр саны 69,21 процент тәшкил иткән. Бу мәгълүматны “Сайлаулар” Дәүләт автоматлаштырлган системасы бирә.
Тавыш бирүчеләр саны буенча республиканың Кайбыч районы лидер булып тора. Анда 98,08 процент сайлаучы тавыш биргән. Лидерлар өчлегендә Әтнә (95,03) һәм Апас (94,88) районнары бар.
Казанның өч районы рейтингы: Киров (54,7 процент), Идел буе (54,04 процент) һәм Совет (53,48 процент).